🔯 माझी राशी कोणती?

भारतीय पंचांगपद्धतीत राशी ही चंद्राच्या स्थानावरून ठरते, सूर्याच्या नव्हे. त्यामुळे वृत्तपत्रात इंग्रजी तारखेनुसार दिलेली "सन साइन" आणि मराठी पंचांगातील जन्मराशी या दोन वेगळ्या गोष्टी आहेत. जन्माच्या क्षणी चंद्र ज्या ३० अंशांच्या पट्ट्यात असतो, तीच तुमची जन्मराशी.

संपूर्ण ३६० अंशांचे २७ समान भाग म्हणजे नक्षत्रे — प्रत्येक नक्षत्र १३ अंश २० कला व्यापते. एका राशीत सव्वादोन नक्षत्रे बसतात, म्हणूनच कृत्तिका, मृग, पुनर्वसु यांसारखी काही नक्षत्रे दोन राशींमध्ये विभागली जातात. अशा वेळी नक्षत्राचा नेमका चरण कोणता, यावर राशी ठरते. वरील तक्त्यात हीच चरणविभागणी दिली आहे.

नाव ठेवताना वापरले जाणारे अक्षर हेदेखील जन्मनक्षत्राच्या चरणावरून घेतले जाते. त्यामुळे घरातील नावावरून राशी ओळखण्याची पद्धत ढोबळमानाने चालते, पण ती नेहमी अचूक नसते — विशेषतः आवडीचे नाव ठेवले असल्यास. खात्रीशीर उत्तरासाठी जन्मवेळेवर आधारित कुंडली मांडणेच योग्य ठरते.